Monday, January 22, 2018 Last Updated 1 Min 38 Sec ago English Edition
Todays E paper
Ads by Google
Wednesday 20 Dec 2017 03.33 PM

ഭക്ഷണത്തിലും ശ്രദ്ധവേണം

ഒരു നേരംതന്നെ ഒരുമിച്ച് ഭക്ഷണം കഴിക്കുന്നത് രക്തത്തിലെ പഞ്ചസാരയുടെ തോത് പെട്ടെന്ന് ഉയര്‍ത്തും.
uploads/news/2017/12/176336/dibeitsfodcvare201217a.jpg

പ്രമേഹരോഗികളില്‍ ഭക്ഷണക്രമീകരണത്തിന് വളരെയധികം പ്രാധാന്യമുണ്ട്. പ്രത്യേകിച്ച് ടൈപ്പ് 2 പ്രമേഹരോഗികള്‍ക്ക്. പഞ്ചസാരയും അരിഭക്ഷണവും ഒഴിവാക്കി ഗോതമ്പുള്‍പ്പെടെ മറ്റെല്ലാ ഭക്ഷണവും മൃഷ്ടാനം കഴിക്കുക എന്നതാണ് മിക്ക പ്രമേഹരോഗികളും പിന്തുടരുന്ന രീതി.

എന്നാല്‍ ഏതു ഭക്ഷണം കഴിക്കുന്നു എന്നതിനോടൊപ്പം എത്രമാത്രം കഴിക്കുന്നു എന്നതിനും പ്രാധാന്യമുണ്ടെന്ന് പ്രമേഹരോഗികള്‍ മനസിലാക്കിയിരിക്കണം. ഒരു നേരംതന്നെ ഒരുമിച്ച് ഭക്ഷണം കഴിക്കുന്നത് രക്തത്തിലെ പഞ്ചസാരയുടെ തോത് പെട്ടെന്ന് ഉയര്‍ത്തും.

ഭക്ഷണം കഴിക്കുന്നതിലെ ഇടവേള മൂന്നു മൂന്നര മണിക്കൂറിലധികമാവുമ്പോള്‍ പഞ്ചസാര കുറഞ്ഞിട്ടുള്ള ബുദ്ധിമുട്ടുകളും ഉണ്ടാവുന്നു. ഇവയൊഴിവാക്കാന്‍ മൊത്തം ഭക്ഷണം മൂന്നു പ്രധാന ഭക്ഷണങ്ങളും രണ്ടു ലഘുഭക്ഷണങ്ങളും ഉള്‍പ്പെടുത്തുന്ന രീതിയില്‍ ക്രമീകരിക്കാം.

നിയന്ത്രണങ്ങള്‍ മാത്രം


പ്രമേഹരോഗിക്ക് മറ്റുള്ളവര്‍ കഴിക്കുന്ന എല്ലാ ഭക്ഷണങ്ങളും കഴിക്കാം. ചില നിയന്ത്രണങ്ങളോടെ. ജോലി, ഉയരം, തൂക്കം, പ്രായം, രോഗം ഇവയെല്ലാം കണക്കിലെടുത്ത് ഒരു ദിവസത്തെ ഭക്ഷണത്തിന്റെ അളവ് ക്രമീകരിക്കുന്നതാണ് ഭക്ഷണക്രമീകരണം. ഇത് കണക്കാക്കുന്നത് കലോറി എന്ന യൂണിറ്റിലാണ്.

ഭക്ഷണത്തില്‍ അടങ്ങിയിട്ടുള്ള ഊര്‍ജത്തിന്റെ അളവാണ് കലോറി. പ്രമേഹരോഗിയുടെ ഭക്ഷണക്രമം അയാള്‍ക്ക് ആവശ്യമായ തൂക്കം നിലനിര്‍ത്തുന്നതിനും അയാളുടെ പോഷകാവശ്യങ്ങള്‍ നിറവേറ്റുന്നതിനും രക്തത്തിലെ പഞ്ചസാരയുടെ തോത് നിയന്ത്രിക്കുന്നതിനും ഉതകുന്ന രീതിയിലുള്ളതാണെങ്കില്‍ ശരിയായ ഭക്ഷണക്രമമാണെന്ന് പറയാം.

ആഹാരം തെരഞ്ഞെടുക്കുമ്പോള്‍


ധാന്യങ്ങള്‍: 100 ഗ്രാം അന്നജമെങ്കിലും ലഭിക്കുന്ന രീതിയില്‍ അന്നജമടങ്ങിയ ഭക്ഷ്യപദാര്‍ഥങ്ങള്‍ ഭക്ഷണത്തിലുള്‍പ്പെടുത്തണം. ശുദ്ധീകരിച്ച ധാന്യങ്ങള്‍ക്കു പകരം മുഴുവനോടെയുള്ളവ ഉപയോഗിക്കാന്‍ ശ്രദ്ധിക്കണം. ഉദാഹരണമായി മൈദ, ആട്ട എന്നിവയ്ക്കു പകരം അരിയോ ഗോതമ്പോ റാഗിയോ ഉപയോഗിക്കാം.

വെളുപ്പിച്ച അരിയേക്കാള്‍ തവിടുകളയാത്ത അരിയാണുത്തമം. ഗോതമ്പിലും അരിയിലും അന്നജത്തിന്റെ അളവ് ഏകദേശം തുല്യമാണെങ്കിലും ഗോതമ്പില്‍ നാരുകള്‍ കൂടുതലടങ്ങിയിട്ടുള്ളതിനാല്‍ ഗോതമ്പ് ദഹിക്കാന്‍ കൂടുതല്‍ സമയമെടുക്കുകയും അതുവഴി രക്തത്തിലെ പഞ്ചസാരയുടെ അളവ് കുറയുകയും പഞ്ചസാര ഉയരുന്ന സമയം ദീര്‍ഘിപ്പിക്കുകയും ചെയ്യുന്നു.

കിഴങ്ങുകള്‍:


ധാന്യത്തോടൊപ്പം കിഴങ്ങുകള്‍കൂടി കഴിക്കുന്നത് അന്നജത്തിന്റെ അളവ് വര്‍ധിപ്പിക്കും. അതുവഴി രക്തത്തിലെ പഞ്ചസാരയുടെ അളവും വര്‍ധിക്കും. ധാന്യത്തിന്റെ അളവില്‍ കുറവുവരുത്തി മിതമായ തോതില്‍ കിഴങ്ങുകള്‍ ഉപയോഗിക്കാം.
uploads/news/2017/12/176336/dibeitsfodcvare201217a1.jpg

പയറുവര്‍ഗങ്ങള്‍:


ധാന്യങ്ങളോടൊപ്പം പയറിനങ്ങള്‍ കഴിക്കുന്നത് ഗുണമേന്മയുള്ള മാംസ്യം ലഭിക്കുന്നതിന് സഹായിക്കും. തൊലികളയാത്ത പയറിനങ്ങളില്‍ നാരുകളും ധാരാളമടങ്ങിയിട്ടുണ്ട്. പ്രമേഹരോ
ഗികളുടെ ഭക്ഷണത്തില്‍ 100 ഗ്രാം വരെ പയറിനങ്ങള്‍ ഒരു ദിവസം ഉള്‍പ്പെടുത്താം.

മത്സ്യം - മാംസം:


മത്സ്യ എണ്ണകള്‍ ആരോഗ്യത്തിന് നല്ലതാണ്. അതിനാല്‍ മത്സ്യം ദിവസവും കറിവച്ച് കഴിക്കാം. വറുത്ത് കഴിവതും ഒഴിവാക്കണം. കോഴിപോലുള്ള കൊഴുപ്പുകുറഞ്ഞ ഇറച്ചികള്‍ കഴിക്കാവുന്നതാണ്.

എണ്ണകള്‍, കൊഴുപ്പുകള്‍:


എണ്ണകളും കൊഴുപ്പുകളും ചേര്‍ന്ന പദാര്‍ഥങ്ങള്‍ പരമാവധി വര്‍ജിക്കുക. കോഴിയുടെ വെള്ളത്തൊലി, നെയ്യ്, വെണ്ണ, വനസ്പതി, കൊഴുപ്പുനീക്കാത്ത പാല്‍ക്കട്ടി, ഐസ്‌ക്രീം, ചില ബേക്കറി പദാര്‍ഥങ്ങള്‍ തുടങ്ങിയവയിലടങ്ങിയിട്ടുള്ള കൊഴുപ്പുകള്‍ രക്തത്തിലെ കൊളസ്‌ട്രോളിന്റെ അളവ് വര്‍ധിപ്പിക്കുകയും ഉയര്‍ന്ന രക്തസമ്മര്‍ദവും ഹൃദ്രോഗവും വരാനിടയാക്കുകയും ചെയ്യും.

മാത്രമല്ല ഇവ ഉയര്‍ന്ന കലോറി അടങ്ങിയിട്ടുള്ളവയുമാണ്. ഒലിവെണ്ണ, സോയാബീന്‍ എണ്ണ, സൂര്യകാന്തി എണ്ണ, ധാന്യ എണ്ണ മുതലായവ മറ്റ് കൊഴുപ്പുകള്‍ക്ക് പകരമായോ അല്ലെങ്കില്‍ അവയോടൊപ്പം ചേര്‍ത്തോ ഉപയോഗിക്കാം.

പച്ചക്കറികള്‍, ഇലക്കറികള്‍:


പ്രമേഹരോഗികള്‍ക്ക് ഇഷ്ടംപോലെ കഴിക്കാവുന്ന ആഹാരങ്ങളാണിവ. പക്ഷേ, പാകം ചെയ്യുമ്പോള്‍ കൂടുതലായി എണ്ണ ചേര്‍ക്കുന്നത് ഒഴിവാക്കുക. നാരുകള്‍ ഇവയില്‍ ധാരാളമായി അടങ്ങിയിട്ടുണ്ട്.

പഴങ്ങള്‍:


പഴങ്ങളിലെ പഞ്ചസാര (ഫ്രക്‌ടോസ്) ഗ്ലൈക്കോജനാക്കി മാറ്റാന്‍ ഇന്‍സുലിന്റെ സഹായം ആവശ്യമില്ല. അതിനാല്‍ നിയന്ത്രണത്തിലായിരിക്കുമ്പോള്‍ അന്നജം അടങ്ങിയിട്ടില്ലാത്ത പഴങ്ങള്‍ കഴിക്കുന്നതില്‍ വിരോധമില്ല.

Ads by Google
TRENDING NOW